Шекеринска доби кривична за загрозување на безбедноста на државата

152

Поради постоење на основано сомнение дека се прекршени членовите 349 и 353 од Кривичниот законик, како и членот 103 став 1 и 3 од Законот за класифицирани информации, денеска во ОЈО поднесовме три кривични пријави, две против актуелниот министер за одбрана и едно против раководно лице во министерството за одбрана, рече Драган Ковачки, член на ИК на ВМРО-ДПМНЕ

– Ова е првпат во историјата на модерна Македонија, актуелен министер за одбрана, на ваков незаконски и крајно непрофесионален начин, дрско да ја злоупотреби својата позиција и да искористи содржини од класифицирани документи исклучиво во својa лична и партиски промоција. Шекеринска ја загрозува и безбедноста, но и државата во целост со тоа што издава информации кои се од витално значење за одбраната. Цениме дека ваквиот, во континуитет незаконски однос кон класифицираните информации од страна на актуелен министер за одбрана којшто е платен и по закон е обврзан да ги чува и штити класифицираните информации е неприфатлив и бараме од ОЈО веднаш да пристапи кон своите законски надлежности и да поведе постапка пред надлежен суд. Од Шекеринска бараме одговорност и оставка веднаш – рече Ковачки.

Доколку преземете содржина од оваа страница, во целост сте се согласиле со нејзините Услови за користење.