Денес покажавме дека како држава членка на НАТО и држава преговарач со Европската Унија, знае што се добро организирани фер и демокракратски избори, во држава во која прилега таква атмосфера, изјави откако го оствари своето граѓанско право на гласање, Радмила Шекеринска, носител на кандидатската листа на коалицијата „Можеме“ предводена од СДСМ во Изборната единица 5.
„Денес покажавме дека и во услови на пандемија, граѓаните и институциите покажувааат зрелост. Високиот одзив кој го гледаме од раните утрински часови, покажува дека граѓаните знаат дека ова се избори кои ќе влијаат на правецот кој ќе го има нашата земја.
Од тие причини беше задоволство да се биде во гимназијата „Георги Димитров“ да се види дека колку граѓаните се свесни дека нивното право е и голема обврска и одговорност.
Настаните во двата дена молк, нема да фрлат сенка на ова што се случува во главниот изборен ден. Обидите на ДПМНЕ да создадат чувство на хаос, чувство кои ги потсеќа на минатите избори, не поминуваат. Граѓаните денес излегоа за да покажат дека можеме и повеќе и подобро“, рече Шекеринска.
