Шпанската принцеза Мариа Тереза почина од коронавирус

425

Шпанската принцеза Мариа Тереза (87) од кралското семејство Бурбон-Парма починала во петокот откако се заразила со коронавирус, пренесува „Мирор“.

Принцезата била позитивна на коронавирус, а таа е прва принцеза која е жртва на смртоносниот вирус.

Братот на принцезата, 79-годишниот принц Сикстус Хенри од Бурбон-Парма, ја потврдил тажната вест за медиумите. Мариа Тереса е една од досега 5.000 починати жители во Шпанија од коронавирусот.

Мариа Тереза е родена во 1933 година, како ќерка на Хавиер и Маделин де Бурбон, а во текот на животот не се мажела ниту имала деца.

Животот го поминала во Мадрид.

Доколку преземете содржина од оваа страница, во целост сте се согласиле со нејзините Услови за користење.