Шулц: Ципрас е најсилниот премиер на Грција и ќе ги спроведе реформите

127
Шулц: Ципрас е најсилниот премиер на Грција и ќе ги спроведе реформите

Претстедателот на Европскиот парламент Мартин Шулц вчера во рамки на гостувањето во германското ток шоу „Бренпункт“ изјави дека е уверен дека грчката влада ќе направи се што е потребно за да ги спроведе неопходните реформи, пренесува Грик рипортер.

– Нема смисла да го преземеме тој чекор сега и да разговараме за истите нешта како пред една година. Сите оние што го постигнаа договорот, а особено Атина имаат обврска да направат се што можат, нагласи Шулц.

Тој додаде дека договорот што грчкиот премиер Алексис Ципрас го добил во Брисел во неделата е полош од договорот што можел да го добие две недели претходно доколку го прифател предлогот на претседателот на Европската Комисија Жан – Клод Јункер.

Ципрас доби жестока лекција во европарламентот
Ципрас доби жестока лекција во европарламентот

Како и да е, забележа Шулц, Ципрас е најсилниот премиер на Грција во последните децении, во смисла на поддршката од народорт и може да ги спроведе реформите.

-Ако некој е во позиција да ги спроведе реформите, тогаш тоа е тој. Ако сега каже дека сака да ги спроведе реформите, тогаш верувам дека ќе го стори тоа, рече претседателот на Европарламентот.

Доколку преземете содржина од оваа страница, во целост сте се согласиле со нејзините Услови за користење.