Швеѓанка го држела синот во заробеништво триесетина години

52

Седумдесетгодишна жена е уапсена во Стокхолм затоа што го држела својот син во заробеништво 30 години.

Како што соопштија полицијата и обвинителството, маж на возраст од 40 години во многу лоша состојба бил пронајден од свој роднина. Обвинителката од Стокхолм, Ема Олсон, пак, информира дека тој се наоѓал во станот можеби 30 години.

Шведските медиуми го цитираа роднината кој го затекнал човекот како лежи на ќебе на подот. Тој бил без заби, не можел да зборува, а телото му било покриено со рани и чиреви.

-Сега е во болница … Знам дека му треба операција – изјави Олсон, која не даде други детали за неговата состојба.

Весникот „Експресен“ и другите медиуми објавија дека синот бил изваден од училиште на 12-годишна возраст. Покрај него на ѕидот имало два календара од 1995 и 1996 година, а станот бил преполн со неред.

Мајката ги негира обвиненијата за заробеништво и сериозна телесна повреда.

Засега нема објаснување зошто синот бил држен во заробеништво.

Полицијата, предупредена од персоналот на болницата, опколи стан во областа Ханкинг во Стокхолм заради истрага.

-Истражуваме колку долго бил затворен синот, претпоставуваме многу долго – информира портпаролот на полицијата.

Доколку преземете содржина од оваа страница, во целост сте се согласиле со нејзините Услови за користење.