Прва дебата на претседателските кандидати Гордана Силјановска Давкова, Стево Пендаровски и Блерим Река, сите тројца професори со докторски титули од правните сфери, која беше емитувана во четвртокот вечерта на телевизија Телма покажа суперионост во познавањето на меѓународното право на опозициските кандидати Давкова и Рела во однос на кандидатот кшто го предложија владејачките СДСМ и ДУИ.
Повеќепати во текот на дебатата Силјановска аргументираше и објаснуваше како може да се дојде оспорување на делови на Преспанскиот договор, а Пендаровски имаше помирлив став кон притисоци кои би можеле да дојдат однадвор, и речиси целосно го ја исклучи важноста на меѓународното право во политиката.
Пендаровски нагласи дека се согласува со задолжителното меѓународно право кое го спомена Сиљановска, но напомена дека без поддршка од меѓународните фактори Македонија е можела да дојде дури ниту до некакво изедначување на преговарачките позиции.
Од сѐ ова теоретски е така , но практично да ве прашам, повторно ќе одиме пред Меѓународниот суд за правда и така ќе се обидеме да го оспориме Преспанскиот договор. 2008 тужевме, 2011 добивме кристално јасна правна пресуда во наша корист, што во политичка смисла направивме за тоа. И додека вие преку тие агенции за протокол на ОН и повторно преку меѓународниот суд за правда се обидувате да донесете подобар договор со Грција, што ќе правиме во меѓувреме нема да бидеме членка на НАТО, мислам дека е многу ризично дека и во оваа позиција тоа да го кажуваме, рече Пендаровски и додаде дека земјава за Договорот ја доби поддршката од светските сили, светските лидери.
Во еден момент кога Силјановска зборуваше за Преспанскиот договор и рече дека тој завршува со тн. вечна клаузува која вели дека е непроменлив, непроменливоста е политички чин, а не правен, Пендаросвки рече: „Ова е ново, не го имам слушнато“.
Силјановска укажа дека „во меѓународното право името е неразделен дел од државно правниот субјективитет или правото на самоопределување го вклучува правото на име, знаме, химна, устав“.
„Основен постулат во меѓународното право е симетричноста на договарачите, а не асиметричноста како што е случај со Препанскиот договор. Живееме во ера во која зборуваме за Обединети нации како рамноправни членки и темелот е тука и се инсистира на јус когенс или меѓународното задолжително право, а тука се правото на самоопределување и немашање во внатрешни работи, иако има и други постулати“, рече кандидатката на ВМРО-ДПМНЕ..
Силјановска Давкова укажа дека во Договорот стои „ако дојде до спор има постапка како се постапува“. Притоа таа се надоврза на актуелната ситуација кога не беше интонирана химната при посетата на грчкиот премиер Алексис Ципрас укажувајќи дека ако до се знае како се постапува“.
Потсети дека и договори меѓу САД и Кина се повлекуваат, потоа меѓу САД и ЕУ и како што рече сето тоа повикувајќи се на меѓународното задолжително право. Оттука поосочи таа „може да се оспорат делови од Преспанскиот договор“.
Пендаровски пак во дебата акцент стави на политиката и меѓународното опкружување.
„Без помош од меѓународните фактори и не можевме да го постигнеме Договорот“, рече Пендаровски велејќи дека ги почитува сите правни авторитети и објаснувањето на Силјановска.
