Силни бури зафатија делови од Хрватска, а најтешка беше ситуацијата на Полуостровот Истра, каде ударите на ветрот достигаа и до 130 км/час, јави хрватскиот сајт Индекс.хр.
Бурата на Истра корнеше дрвја, откорна клупи и расфрла контејнери за ѓубре.
Првите претпоставки се дека штетите од невремето ќе бидат големи.
Невремето претходно ја зафати Австрија каде има две жртви, 120 повредени лица од кои 20 тешко.
Местото Санкт Јохан на северот од земјата беше погодено од невремето каде 650 луѓе беа на прославата со пожарникари под шатори.
