Силувана девојка во струмичко, кривична пријава за три лица

Секторот за внатрешни работи Струмица до Основното јавно обвинителство Струмица поднел кривична пријава против три лица за силување и за помагање во извршување на делото.

И.Д. (18), кој престојува во селото Банско, се товари дека извршил сексуална злоупотреба врз осумнаесетгодишна девојка од Струмичко, додека пак, М.Д. (21) и А.Д. (25) и двајцата од Банско, дека помогнале во намерата на првоосомничениот.

Настанот се случил завчера околу 17:40 часот на улицата „Невена Стојкова“. Како што соопштија денеска од МВР, лицата биле лишени од слобода и по обезбедените докази вчера биле изведени пред судија на претходна постапка од Основен суд Струмица, кој на тројцата им определил мерка притвор.

Доколку преземете содржина од оваа страница, во целост сте се согласиле со нејзините Услови за користење.