Сириските сили се распоредуваат во пограничното подрачје

Сириските сили денеска започнаа со распоредување во области во близина на турската граница на североистокот на земјата, како дел од договорот постигнат меѓу Русија и Турција.

Новинската агенција САНА соопшти дека трупите се распоредени меѓу градовите Џавадија и Маликија, додека државната телевизија посочи дека погранична стража ќе биде поставена на шест точки во близина на границата.

Распоредувањето е дел од минатомесечниот договор за прекин на огнот и се однесува на територија долж поголемиот дел од североисточната граница.

Од постигнувањето на договорот, Русија и Турција започнаа заеднички патроли долж турско-сириската граница