Службеници во полските дипломатски претставништва во Африка, Азија и на Блискиот исток се обвинети за примање мито во замена за издавање виза за шенгенскиот простор, објавија германските медиуми во понеделникот.
„Ова е најголемиот скандал во Полска во 21, век“, изјави лидерот на опозицијата и кандидат на либерално-конзервативата Граѓанска платформа (PO) на претстојните избори Доналд Туска, коментирајќи го отворањето истрага против седум службеници во полската дипломатија и апсењето на три лица кои се товарат за мито и корупција со изавање визи за шенгенскиот простор.
Туск и некои опозициски медиуми како Gazeta Wyborcza зборуваат за издавање повеќе од 250.000 работни визи за Полска, а со тоа и за шенгенскиот простор, коишто последните 30 месеци се издадени во полските дипломатски претставништв во Африка и Азија.
Кон крајот на август без образложение беше отпуштен заменикот министер за надворешни работи задолжен за конзулраните претставништва Пјотр Вавжек, а неговиот оддел беше претресува од полската антикорупциска агенција CBA.
Според германските и полските медиуми, за издавањето на визие за шенгенскиот простор подносителите на барањето во Индија плаќале и до 40.000 евра. Според истите извори, многумина со полски визи преминале потоа во Германија.
Туск на владејачката конзервативна партија Право и справедливост (PiS) и префрла за „лицемерие“ поради тоа што од една страна го блокира компромисот во Европската унија за политиката кон азилантите и распределбата во земјите членки, а од друга страна нејзините дипломати за мито издаваат бесправни визи.
Неколку седмици пред изборите во Полска, владејачката партија ги отфрла обвнинувањата кои доаѓаат од опозицијата и од дел од медиумите.
„Тука нема никакво скандал. Станува збор за глупава и криминална идеја на неколку лица кои немаат никаква врска со владата“, коментираше во писмена изјава претедателот на PiS, Јарослав Качински.
Доколку преземете содржина од оваа страница, во целост сте се согласиле со нејзините Услови за користење.
