Скопјанец ја нападнал сопругата, негов сограѓанин измамил штипјанка

Во вторникот во 4,30 часот, полициски службеници од СВР Скопје го лишиле од слобода 34-годишниот Н.Т. од Скопје.

Тој, како што информираат од МВР, по претходна вербална расправија во семејниот дом, физички ја нападнал неговата 41-годишна сопруга.

По целосно комплетирање на случајот ќе биде поднесен соодветен поднесок.

Во четвртокот СВР Штип извести дека поднеле кривична пријава против 54-годишниот Р.С. од скопското село Стајковци, поради постоење основи на сомнение за сторени кривични дела „измама“ и „посебни случаи во фалсификување исправи“.

Во периодот од август до ноември 2021 година, пријавениот измамил жена од Штип за сума од 90.000 денари.

Тој се претставил дека е сопственик и управител на градежна фирма од Скопје, која во тоа време била избришана од трговскиот регистар, и со неа се договорил да ѝ изврши градежни работи на нејзината куќа.

Пријавениот земал аванс од 90.000 денари, но не ја завршил договорената работа.

Доколку преземете содржина од оваа страница, во целост сте се согласиле со нејзините Услови за користење.