Скопјанец нападнат од колега, штипјанец претепан и ограбен во својот дом

Во текот на четвртокот, Министерствот за внатрешни работи, меѓу другото, регистрирало и физички напад и ограбување во Штип, како и пресметка меѓу двајца колеги во скопски локал.

Полициски службеници од Полициската станица Штип вчера го лишиле од слобода 24-годишниот Б.Ј.од Штип. Тој се сомничи дека претходно истиот ден околу 14 часот физички го нападнал врсникот и сограѓанин С.К. во неговиот дом и му го одзел паричникот. Паричникот бил пронајден и вратен на сопственикот.

Лицето било задржано во Полициска станица Штип и по целосно документирање на случајот против него ќе биде поднесена соодветна пријава.

Вчера, исто така, околу 17 часот во СВР Скопје, 33-годишниот скопјанец М.М. пријавил дека пред влез од угостителски објект на подрачјето на општината Центар, каде е вработен, бил физички нападнат од 40-годишниот Д.Л. од Скопје, исто така, вработен во објектот.

По целосно документирање на случајот ќе следи соодветен поднесок.

Доколку преземете содржина од оваа страница, во целост сте се согласиле со нејзините Услови за користење.