Скопскиот бискуп Киро Стојанов гостувајќи во студиото на „Сител“ објави дека на централната миса на Папата Франциск на 7 мај на градскиот плоштад во Скопје ќе се влегува исклучиво со влезници кои ќе имаат реден број. Овие „визи“ ќе бидат бесплатни, а нивната намена е само да се создаде ред.
За влезниците се уште се води разговор со државниот и црковниот одбор и мислам дека во најскоро време тоа ќе биде обзнането. Битно е тие што ќе се најдат таму да бидат пристојни, побожни, затоа што тоа е начин на молитва и тоа ќе биде најубавата света литургија што воопшто сме ја имале во Македонија – рече Стојанов.
Бискупот наведе дека сите посетители од земјата и од странство се добредојдени. За прв пат во историјата земјата ја посетува еден претседателот на Ватикан и лидерот на Католичката црква. Папата Франциск во Скопје ќе се задржи 10 часа пред да замине во Софија.