Славење на пролетта во Гази Баба

Месец март го симболизира доаѓањето на пролетта, на доаѓањето на пролетната енергија. За оваа пригода, традиционално се плетат мартинки исклучиво од црвен и бел конец, со кои се слави возобновената природа.

Мартинките се носат од првиот ден во март до доѓањето на пролетта и ластовичките за здравје и среќа, се додека расцвета првото дрво.

Во класичниот изглед мартинката претставува усукани бел и црвен конец, најчестo волнен каде боите имаат строго определен смисла: црвено – крв, живот; бело – чистота, среќа.

За да се зачува традицијата на нашите предци третта година по ред, општина Гази Баба и основните училишта организираа манифестација „Мартинки„ каде учениците, во своите креативни работилници изработуваа мартинки, преку кои ги изразуваат своите креативни идеи и способности.

По истиот повод, децата од клонот „Темјанушка“ кој е во состав на градинката „Детска радост” изработија мартинки кои ги поделија на своите најблиски, на вработените во општината и беа примени во кабинетот на градоначалникот Тони Трајковски, кој исто така доби мартинка.

Доколку преземете содржина од оваа страница, во целост сте се согласиле со нејзините Услови за користење.