Благодарение на денешната пратка вакцини од Кина, веќе во текот на селдната седмица значително ќе се забрза процесот на вакцинација на територијата на целата држава, напиша министерот за здравство Венко Филипче на својот фејсбук профил.
„Благодарност до кинескиот амбасадор Џанг Ѕуо и на пријателската Кина, со чијашто помош успеавме да ги обезбедиме овие вакцини и денеска да ги добиеме во нашата држава“, се вели во статусот .
Во земјава со два авиони пристигнаа 500.000 вакцини од кинескиот производител „Синовак“. Тие, како што соопшти Министерството за здравство, ќе бидат соодветно складирани во Поликлиниката „Јане Сандански“ и на Институтот за судска медицина по што ќе бидат дистрибуирани до пунктовите низ државата согласно закажаните термини за вакцинација.
