Словачка ги заостри мерките пред Нова година, болниците се полнат

71

Словачката влада на вонредна седница непосредно пред настапувањето на новата 2021 година во четвртокот одреди мерки за затворање на скијачките центри и хотелите, и забрани движење меѓу регионите, откако бројот на новозаразените со коронавирусот достигна рекорден показател, а болницете се полнат со пациенти.

Новите рестриктивни мерки, коишто на сила стапуваат веќе од петокот, вклучуваат и работење од дома во сите случаи кога тоа е можно, забрана за посети меѓу семејствата и затворање на црквите, пренесува Reuters.

Словаците ќе можат да ги напуштат домовите само за одење на работа или поради некоја неодложна задача, и ќе смеат да одат во прошетка во природа но само во својот матичен округ, изјави министерот за здравство на прес-конференцијата која ја пренесуваа телевизиите. Мерките ќе бидат на сила до 24-ти јануари.

Словачка, со 5,5 милиони жители, во четвртокот пријави 6.315 нови случаи на зараза со коронавирусот кај кои SARS-CoV-2 е потврден со PCR тест, и 5.954 случаи утврдени со брзитет антигенски тестови.

Од почетокот на пандемијата, кога Словачка успешно се справи со ширењето на коронавирусот, досега има регистрирано над 180.000 случаи на заразата, и повеќе од 2.100 смртни исходи како последица на Covid-19.

Во словачките болници во моментов се хоспитализирани речиси три илјади пациенти. Стручната советодавна група предупреди дека болничките капацитети би можело целосно да бидат пополнети веќе по две седмици.

Доколку преземете содржина од оваа страница, во целост сте се согласиле со нејзините Услови за користење.