Словенија испраќа 46 пожарникари и 16 противпожарни возила во Македонија (ФОТО)

По вчерашниот телефонски разговор меѓу министерката за одбрана Радмила Шекеринска и нејзиниот словенечки колега Матеј Тонин, се реализира ветувањето за помош при справувањето со пожарите во Северна Македонија, соопшти Министерството за одбрана.

„Словенија испраќа 16 противпижарни возила и 46 пожарникари да помогнат во гасењето на пожарите низ земјава. Се надевам дека ќе ги скротите огновите што е можно поскоро, ова ѝ го напиша министерот Тонин на министерката Шекеринска, информирајќи ја за брзата реакција на сојузничката земја. Помошта од Словенија во луѓе и возила се очекува да пристигне најдоцна утре. Вчера министерката се заблагодари за помошта од соседните држави и НАТО сојузниците и рече дека Северна Македонија може да смета на своите пријатели во неволја“, се вели во соопштението.

Доколку преземете содржина од оваа страница, во целост сте се согласиле со нејзините Услови за користење.