Снежен ураган го погоди источниот дел на Канада

78

Снежен ураган во неделата ја погоди централна и источна Канада и го закочи воздушниот сообраќај и патниот сообраќај од провинција Онтарио до атлантското крајбрежје, пренесе „Франс Прес “. Снежните врнежи што започнаа во саботата вечерта крај Торонто и Отава и силните ветрови го зафатија Квебек и провинциите во Атлантскиот брег се до Њуфаундленд.

Канадската служба за животната средина во неделата објави дека снежната покривка на одредени места достигнала и до 35 сантиметри. Стотици жители на Квебек останаа без струја. Во повеќето источни провинции се очекува врнежите од снег да престанат денес, велат синоптичарите. Воздушниот сообраќај во регионот беше сериозно нарушен и стотици летови беа откажани, соопштија аеродромските власти во Торонто, Отава, Монтреал и Халифакс.

Дел од патиштата се затворени поради голомразица. Полицијата соопшти за верижни сообраќајни несреќи и настрадани лица. Спасувачките служби во Квебек информираа за засилена активност на екипите на патот за Монтреал, каде што автомобилите се движат во тешки услови.

Доколку преземете содржина од оваа страница, во целост сте се согласиле со нејзините Услови за користење.