Со договорот со Грција се проектира нова држава „Северна Македонија“

138

Лично сметам, читајќи ја содржината на договорот, дека не се работи во класична смисла на меѓудржавен договор на две суверени држави, туку постигната е една спогодба, договорена поправо спогодба за тоа како треба да се уреди новата држава на границата на Грција, „Република Северна Македонија“ објаснува за Пресинг ТВ, историчарот и професор Михајло Миновски.

Миновски образложи дека од тоа произлегуваат понатаму сите последици што се однесуваат и до АСНОМ и до македонската државност, нејзиниот карактер, континуитетот односно дисконтинуитетот.

„Тоа е во генерално земено она што претставува договорот. И најважно од се е дека со тој договор и таа да речеме ново договорена држава „Република Северна Македонија“ се става во целосна зависност од Грција, меѓутоа ако пошироко се гледа не само од Грција туку и од Бугарија и од Албанија“, појаснува еминентниот историчар.

Според Миновски, во тоа се состои суштината на она што се предизвикува, односно се јавува како последично влијание од овој договор меѓу се’уште Република Македонија и Република Грција.

„Не е зачуван идентитетот, може само категорично да се каже дека не е зачуван туку се виде дека се воизменува односно се менува националниот односно идентитетот бидејќи веќе не се работи за национален идентитет туку за идентитет на народот. И во таа смисла исто така претставува некој преседан во меѓународните односи односно нешто специфична одлика на еден ваков договор кој што така како целина, таков договор не е познат во меѓународните односи и во договорите за решавање на било какви прашања“, нагласи Миновски.

https://www.youtube.com/watch?v=iC-YNrDYSoY

Доколку преземете содржина од оваа страница, во целост сте се согласиле со нејзините Услови за користење.