Редовното конзумирање грозје има далекусежни здравствени ефекти, покажуваат најновите истражувања. Грозјето има многу интересен состав – вода, влакна и антиоксиданти кои на оваа намирница и даваат важна улога во превенцијата од кардиоваскуларни болести и малигни заболувања.
Грозјето содржи моќни актиоксиданти кои со редовно конзумирање можат да го забават напредувањето на повеќе видови малигни заболувања. Лицата кои се подложни на алергиски ринитис можат да ја спречат појавата на симптомите со редовно конзумирање на ова овошје. Грозјето содржи и флавоноиди кои помагаат во регулирање на ХДЛ и ЛГЛ холестеролот во крвта.
Во народот преовладува мислење дека грозјето дебелее, меѓутоа, истражувањата покажуваат дека десет зрна грозје имаат околу 34 калории. Тоа е богато со витамин Ц, калиум, бакар и манган.
