Сојлу: Ќе ги вратиме припадниците на Исламска држава во матичните земји

15

Турскиот министер за внатрешни работи Сулејман Сојлу изјави дека Турција ќе ги испрати членовите на групите на Исламска држава во нивните матични земји.

Сојлу денеска рече дека членовите на екстремистичките групи кои се наоѓаат во Турција ќе бидат вратени без оглед на тоа што матичните земји им го одзеле државјанството.

Претходно тој порача дека Турција „не е хотел за нечии членови на ИД“.

Турција ги обвини сириските курдски сили во североисточна Сирија за ослободување на заробените припадници на ИД и нивните семејства од камповите.

Министерот Сојлу рече дека приведените странски државјани ќе бидат однесени во затвори или кампови во зоните под турска контрола во северна Сирија, вклучувајќи ги Џараблус, Ал-Баб, Азаз и Африн.

Доколку преземете содржина од оваа страница, во целост сте се согласиле со нејзините Услови за користење.