Собранието на Република Македонија ја почна 71. седница на која на дневен ред е Дополнетиот предлог буџет за 2019 година, но и повеќе други економски закони.
По скратена постапка владата предложи да се донесат неколку законски решенија, меѓу кои и измени на Законот за банки и на Законот за Управата за јавни приходи, на што реагираат пратениците од ВМРО-ДПМНЕ.
Илија Димовски побара да се тргнат од дневен ред овие две точки и тие да се донесат во нормална процедура со јавна дискусија, посочувајќи дека тие значат кршење на основни човекови права согласно чл.18 од Уставот на РМ.
Предлогот не беше прифатен, а не беше прифатено и барањето за симнување од дневен ред на шест точки од дневниот ред што побара Никола Мицевски, координатор на ВМРО-ДПМНЕ, кој и забележа на Владата на доставените закони да се донесат по скратена постапка.
Седницата почна со Предлог законот за изменување и дополнување на Законот за нотаријат во второ читање.