Во сабота и недела времето во земјата ќе биде стабилно и суво со температури над просекот за овој период од годината, но од понеделник ќе преовладува променливо облачно време со локален дожд и појава на грмежи.
Времето во саботата ќе биде малку потопло, со слаб до умерен југозападен ветер, а температурата ќе биде во интервал од 14 до 20 Целзиусови степени.
Во текот на целиот викенд времето ќе биде стабилно, претежно сончево и релативно топло. Ќе дува слаб до умерен претежно југозападен ветер.
Во понеделник сѐ уште ќе е топло, но ќе преовладува променливо облачно време со повремени врнежи од дожд со слаб до умерен интензитет најпрвин во западните делови. Ќе дува умерен до повремено засилен југоисточен ветер и преку денот ќе има услови за појава на грмежи проследени со краткотраен пороен дожд.
Од вторник ќе е посвежо, а утринските температури ќе бидат во постепено опаѓање, а следните денови ќе продолжи забрзаното топење на снежната покривка.
