Времето во Македонија ќе биде променливо облачно со сончеви периоди. Во јужната половина од земјава на места нестабилно со пороен дожд и грмежи. Ќе дува слаб до умерен ветер од југоисточен правец. Поради спуштање на постудена воздушна маса, позначителна нестабилност се очекува кон крајот на денот кон сабота.
Утринската температура ќе се движи од 12 до 20, а дневната од 24 до 30 степени. УВ-индексот ќе има вредност 7.
Во Скопје ќе биде променливо облачно со сончеви периоди и со слаб до умерен југоисточен ветер. Кон крајот на денот нестабилно со дожд и грмежи.
Утринската температура ќе достигне до 17, а дневната до 30 степени.
Утре во текот на денот ќе биде претежно облачно со засилен северен ветер и со повремени врнежи од дожд со ретки грмежи, пообилни во западните делови. Засилен ветер и пониски температури ќе има до понеделник, а во недела можен е слаб дожд.