Времето во Македонија ќе биде сончево и потопло со мала до умерена локална облачност и со умерен, вдолж Повардарието засилен северен ветер.
Утринската температура ќе се движи од 8 до 16, а дневната највисока температура на воздухот ќе се движи во интервалот од 23 до 30 степени.
Во Скопје ќе биде сончево и потопло со мала облачност и со умерен до засилен северен ветер.
Температурата ќе се движи од 13 до 27 степени.
Во сабота времето ќе биде сончево и потопло со мала до умерена облачност и со умерен северен ветер. Во недела ќе има зголемување на облачноста со повремени локални врнежи од дожд, поинтензивни на југозапад каде ќе бидат проследени со грмежи. Ќе дува засилен северен ветер кој ќе предизвика пад на дневната температура за околу 5 степени. Од понеделник ќе преовладува сончево и топло време со позначителен пораст на дневната температура.