НЕТи е прва компанија која е ориентирана кон интернет и безбедност на податоци во портфолио од 27 компании, поддржани од South Central Ventures. Компанијата ги решава дигиталните закани кои постојано се зголемуваат со едноставнен plug & play производ, со еден клик подесувања.
Компанијата нуди дигитални решенија за безбедност на Интернет и податоци за сите типови на бизниси како и за приватни корисници, наменети пред се за родители. НЕТи ќе ја искористи инвестицијата за развој на бизнисот во регионот и проширување на нивниот тим.
Сајбер-безбедност со еден клик
Интернетот нуди нови можности скоро во секое поле на деловна активност. Сепак, интернетот има свои недостатоци како што е компјутерскиот криминал, каде компјутерите се користат за разни видови кражби и криминал. Во просек еден сајбер напад ги чини малите бизниси 53.987 долари или може да достигне милиони за средни или големи компании. Ова е моментот кога компаниите што се занимаваат со интернет и решенија за безбедност на податоците влегуваат во игра. Компанијата НЕТи ги заменува комплицираните, скапи решенија кои доаѓаат со високи трошоци за одржување со иновативни, лесни за користење производи кои функционираат во било која постоечка инфраструктура и можат да се имплементираат само со неколку клика.
Инвестицијата, предводена од South Central Ventures, ќе му помогне на НЕТи да ја оствари својата цел да стане клучен играч во полето за безбеден пристап до интернет и безбедност на податоци.
„Веќе преговараме со телеком компании во Македонија и во Косово и ги тестираме нашите производи со големи корпорации во Македонија, како што се ЕЛЕМ А.Д. и Еколог Интернационал. НЕТи веќе генерира приходи и е во завршна фаза на затворање на договори со повеќе клиенти. Нети . Инвестицијата ќе ни овозможи да го зголемиме тимот и да го забрзаме процесот на проширувањето на компанијата во регионот“, потенцира основачот и извршен директор Бујар Абдулаи.
Следните чекори за НЕТи
Мисија на компанијата е да понуди најконкурентни производи на пазарот во однос на цени и функционалности. Во НЕТи планираат да воведат нови функции и производи кои ги дополнуваат постојните. Во моментов тие се фокусираат на AI технологија за безбедност на интернет и податоци. Првата имплементација на оваа технологија ќе биде алатка за управување со перформансите, која ќе го следи, анализира и обработува однесувањето на уредот, историјата на сообраќајот, моделите на комуникација и слично за да ги спречи заканите навремено.
„Во South Central Ventures, ја препознаваме важноста на безбедноста на интернет и на податоците во секоја деловна активност. Тимот на НЕТи нè убеди со нивното 20-годишно професионално искуство во ИТ-индустријата и страста за поедноставување на корисничкото искуство во инаку сложеното поле за заштита од дигитални закани. Со нетрпение очекуваме да изградиме успешен бизнис околу нивните решенија и да помогнеме дигитално да ги заштитиме компаниите во различни пазари“, вели Татјана Забасу, Управувачки партнер во South Central Ventures.
За НЕТи
НЕТи нуди дигитални решенија за безбедност на интернет и податоци, кои ги решаваат дигиталните закани кои постојано се зголемуваат со едноставен plug & play производ, со еден клик подесувања. Како такви, тие се добредојдена алтернатива за инаку скапи и комплексни решенија. Основачите на компанијата се искусни професионалци од различни средини. Тимот предводен од иновации и меѓународно наградениот тим кој го предводи Бујар Абдулаи, извршен директор со искуство и длабинско знаење во телекомуникациската индустрија. Тој работи рамо до рамо со Муцаит Луши, ЦТО на компанијата, кој има повеќе од 20 години искуство во ИТ индустријата и успешно управувал со повеќе од 50 ИТ проекти.
За South Central Ventures
Со канцеларии во Белград, Загреб и Скопје, South Central Ventures е фокусиран на инвестирање во технолошки компании во рана и фаза на раст во Западен Балкан. Финансирањето е наменето да ја поттикне меѓународната деловна експанзија и растот на најперспективните регионални технолошки стартапи кои можат да покажат подем и докажан потенцијал „да бидат големи“.
