Сoветничка група на ВМРО-ДПМНЕ: Шилегов за нови партиски вработувања, само преку Комунална хигиена и Дрисла ќе потроши речиси 300 илјади евра

37

Сoветничка група на ВМРО-ДПМНЕ преку соопштение информира дека Градоначалникот на Скопје, Петре Шилегов со нови партиски вработувања, само преку Комунална хигиена и Дрисла ќе потроши речиси 300 илјади евра.

„Петре Шилегов продолжува да го превработува градот Скопје од кој прави партиски штаб. Сега тој преку претпријатието Комунална хигиена склучи нов договор за привремени вработувања во износ од 9 милиони денари, односно 150 илјади евра.

Овие вработувања се партиски во пресрет на изборите и ова претставува злоупотреба на состојбата за да Шилегов наместо да го помогне градот, ја помага партијата. Вчера објавивме дека за партиски вработувања во Дрисла ќе потроши 8.6 милиони денари или 140 илјади евра. Само преку Дрисла и Комунална хигиена за нови партиски вработувања Шилегов ќе потроши речиси 300 илјади евра. Ова се вика изборен поткуп и злоупотреба на парите на скопјани со кој располага Шилегов. Нема објаснувања за зголемен обем на работа ниту на кој начин ги оправдува ваквите трошења за партиски вработувања“, велат од Советничката група на ВМРО-ДПМНЕ.

Доколку преземете содржина од оваа страница, во целост сте се согласиле со нејзините Услови за користење.