ЈСП по инцидентот во автобус, апелира МВР да ги засили контролите во возилата од јавниот превоз

Вечерва во автобусот на линија бр.7 на автобуската постојка кај комплексот Банки се случи уште еден инцидент, поттикнат од политички тензии, соопштуваат од ЈСП.

Апелираат до „политичките партии да ја смират својата реторика во предизборниот период, да делуваат одговорно и да не користат реторика која ги потпалува тензиите меѓу граѓаните по кој било основ“.

Истовремено „апелираат до МВР и техничкиот министер Панче Тошковски, кој е надлежен за спроведување на мирни, фер и демократски избори, да преземе одговорност и соодветни мерки за спречување на ваквата потпалувачка кампања која предизвикува нетрпеливост кај најмладите“.

„Апелираме, МВР да ги засили своите контроли во возилата од јавниот превоз, како и на автобуските постојки. За среќа, во овој настан нема тешко повредени, а причинета е само минимална материјална штета (скршен прозорец) на автобусот која ќе се покрие со осигурувањето на возилото“, велат од ЈСП.

Доколку преземете содржина од оваа страница, во целост сте се согласиле со нејзините Услови за користење.