Сан Антонио Спарс запишаа убедлива победа над Л.А.Лејкерс со 133:120, во дуел во кој Демар Дерозан постигна 36 поени и додаде девет асистенции за успехот на домашен терен, додека Леброн Џејмс беше најкорисен за Лејкерс со 35 поени, 11 асистенции и 8 скокови, но неговите напори не беа доволни.
Чикаго ја постигна првата победа под раководство на новиот тренер Џим Бојл по 114:112 над Оклахома. Лари Маркенен заврши со 24 поени за „биковите“. Расел Вестбрук реализира исто толку за Оклахома, додавајќи и 17 скока и 13 асистенции и го регистрира својот „трипл-дабл“ број 109.
Мајами го нанесе шестиот последователен пораз на Феникс по 115:98. Бам Адебајо постигна рекордни 22 поени во својата кариера, додека Џастин Винслоу додаде 20 за „жешките“.
Резултати од НБА:
Шарлот – Денвер 113: 107
Детроит – Филаделфија 111: 117
Орландо – Индијана 90: 112
Бруклин – Торонто 106: 105 по продолжение
Кливленд – Сакраменто 110: 129
Чикаго – Оклахома Сити 114: 112
Њу Орлеанс – Мемфис 103: 107
Сан Антонио – Лос Анџелес Лејкерс 133: 120
Феникс – Мајами 98: 115
Милвоки – Голден Стејт 95: 105.
