Владата најитно ќе го разгледа предлогот на Комисијата за заразни болести за задолжително доставување ПЦР тест не постар од 72 часа за сите граѓани кои влегуваат во земјава од Србија, Косово, БиХ и Црна Гора и врз основа на тоа ќе донесе одлука.
– Денеска има таков предлог од Комсијата за заразни болести, ќе го разгледаме во најитен момент и врз основа на тоа ќе донесеме одлука – изјави премиерот Оливер Спасовски при денешната посета на Куманово.
Комисијата за заразни болести утрово предложи од утре да се воведе ПСР тест не постар од 72 часа, при влез во земјава за сите граѓани од Србија, Косово, Босна и Херцеговина и Црна Гора.
