Србија светски шампион во 3×3 баскет

Репрезентацијата на Србија во состав Страхиња Стојачиќ, Дејан Мајсторовиќ, Михајло Васиќ и Марко Бранковиќ е светски шампион во баскет 3×3. Србите синоќа во финалето на Мундијалот во Антверп ја совладаа селекцијата на Литванија со 21:16.

Србија од самиот почеток направи разлика од 5-6 (5:0 и 7:1) поени и ја одржуваше до самиот крај и не им дозволи на противниците резултатски да се доближат на повеќе од три поени (13:10).

Во натпревар за третото место, Франција го победи домаќинот Белгија со 18:17.

Златниот медал во женска конкуренција го освои Франција по победата над Канада со 16:13 во големото финале. Во дуелот за третото место Кина беше поуспешна од Литванија со 21:11.

Доколку преземете содржина од оваа страница, во целост сте се согласиле со нејзините Услови за користење.