Србија предлага заеднички амбасади со Македонија, Црна Гора, БиХ, Словенија…

67

Иван Мркиќ, шефот на дипломатијата на Србија за „Вечерње Новости“ вели дека Србија им нуди на соседните земји воспоставување на заеднички дипломатски претставништва во странство според „скандинавскиот модел“, а најблиску до договор се со Македонија и Црна Гора.

МНР на Србија ова го понудила за намалување на трошоците на дипломатските мрежи на овие држави. Првите контакти се веќе реализирани со Скопје, Подгорица, Сараево и Љубљана за дипломатски претставништва во Африка, Азија и Јужна Америка, пишува весникот.

Мркиќ изјавил дека веќе годинава можело да биде постигнат договор.

„Најблиску до договор сме со Македонија и Црна Гора. Продолжуваме со плановите за ширење на дипломатската мрежа, а ќе им понудиме на оние кои се заинтересирани да ни се придружат. Тоа ќе ги намали трошоците, но и ќе го зголеми регионалното влијание во земјите во многу делови во светот”, вели Мркиќ.

Доколку преземете содржина од оваа страница, во целост сте се согласиле со нејзините Услови за користење.