Србија се нуди да биде мост на подадени раце меѓу Русија и САД

32

Србија е подготвена да биде домаќин на самит меѓу Русија и САД и да стане мост за воспоставување дијалог меѓу Москва и Вашингтон, изјавил српскиот вицепремиер и министер за надворешни работи Ивица Дачиќ.

Портпаролот на претседателот на Русија Владимир Путин, Дмитриј Песков, вчера за РИА Новости изјави дека Москва сѐ уште не добила никакви предлози од Вашингтон за средба меѓу рускиот и американскиот претседател Владимир Путин и Доналд Трамп. И со оглед на тоа што Американците не иницирале подготовка за преговори, тоа не се спроведува, додаде Песков.

Во исто време, Дачиќ за „Известија“ изјавил дека српските власти имаат корист од подобрување на руско-американските односи и за нормализирање на ситуацијата на меѓународната сцена. Српскиот министер за надворешни работи истакнал дека земјата е подготвена да стане „врска и мост за воспоставување дијалог меѓу Москва и Вашингтон“.

– Ние веќе го предложивме ова пред две години и ќе го предложиме повторно. Мислам дека тоа е идеално решение, Белград отсекогаш бил место за средби на различни политички сили. Затоа сме подготвени да организираме такви преговори – рекол Дачиќ.

МИА

Доколку преземете содржина од оваа страница, во целост сте се согласиле со нејзините Услови за користење.