ССМ: Три минимални плати ќе треба за да се наполни синдикалната кошничка

66

Синдикалната кошничка за мај 2021 година е зголемена за 180 денари во однос на претходната за април 2021 година. Само за последните два месеци таа е зголемена за повеќе од 400 денари. Ако продолжи со вакво темпо на зголемување во просек од 200 денари месечно до крајот на годинава нема да бидат доволни ни три минимални плати за покривање на основните потреби на едно четиричлено семејно домаќинство, велат од Сојузот на синдикати на Македонија.

Според ССМ, зголемувањето на трошоците е неоправдано имајќи во предвид дека цената на нафтата на која се водат газдите и ја користат како оправдување за зголемување на цените во 2018 година изнесувала 63,50 денари во јуни, 60.00 денари во 2019 година, 50.00 денари во 2020 година, а овој месец е 60.50 денари.

Тоа, велат од ССМ, значи дека во 2020 година во време на пандемија предизвикана од ковид-19, морало да се донесе и Уредба со законска сила за определување на највисоките цени  на одделни производи во трговијата на големо и трговијата на мало, заради енормното зголемување на цените на штета на граѓаните, а за профит на газдите.

– Ова покажува дека неоправдано е да се зголемуваат цените, ако знаеме дека цената на нафтата е пониска од пред почетокот на пандемијата имајќи предвид дека никој од газдите кога цената го имаше најниското ниво во изминатите 10 години не ги намали цените, туку остваруваа огромни профитина грбот на работниците – додаваат од ССМ.

Според ССМ, вредноста на Синдикалната минимална кошница за мај 2021 година изнесува 34.156,00 денари.

Доколку преземете содржина од оваа страница, во целост сте се согласиле со нејзините Услови за користење.