Стаменковска Стојковски: Директорот на ЈСП не ги ослободува од работа хроничните болни и родителите на деца до 10 години

31

Јавно сообраќајно претпријатие Скопје – Скопје и Директорот Кристијан Чушков се пример за непочитување согласно пријавите кои ги добивам и истите ќе ги доставам до Државен инспекторат за труд за да изврши вонреден надзор а со цел заштита на правата на работниците за време на вонредна состојба, вели во соопштението Невенка Стаменковска Стојковски, дополнителен заменик на министерот за информатичко општество и адмнистрација.

Таа истакнува дека нејзината објава за непочитување на мерката за ослободување од работа поради грижа за дете со навршена возраст до 10 години или имаат хронично заболување и примена на Законот за работните односи за време на вонредна состојба, а во врска со годишниот одмор потекнува од реални институции кои продолжуваат да работат спротивно на Заклучокот на Владата од 25-тата седница од 21 март 2020 година, и на „Службен весник на РМ“, бр. 90/20 од 4.4.2020 година во кој е објавена Уредба со законска сила за примена на Законот за работните односи за време на вонредна состојба, заради тоа од денес јавно ги објавува сите оние за кои и пристигнуваат известувања и жалби.

Стаменковска Стојкоски во продолжение потсетува на нејзината вчерашна реакција.

„Единствената Влада во светот која на секој можен начин се обидува да им наштети на вработените во администрацијата и генерално на сите работници е Владата на СДС. Поточно, оваа Влада не може да спроведе сопствен заклучок, функционерите кои ги има избрано Владата на СДС не ја почитуваат мерката за: ослободување од работа поради грижа за дете со навршена возраст до 10 години и примена на Законот за работните односи за време на вонредна состојба, а во врска со годишниот одмор.

Имено, повеќе вработени во јавниот сектор и работници од приватниот сектор ме информираа и пожалија дека од страна на овластени лица од институциите во кои се вработени биле известени дека мора да се појават на работа без разлика што се ослободени од работа поради грижа за дете со навршена возраст до 10 години или имаат хронично заболување. Во приватниот сектор има иста појава со потешки последици за вработените односно, по истиот основ ослободените од работа им се исплаќаат симболични износи во вид на плата. Слична е состојбата и со годишните одмори“, истакнува дополнителниот заменик министер.

Таа вели дека поради ваквата состојба чувствува обврска да апелира и потсети на:

„Заклучокот на Владата од 25-тата седница од 21 март 2020 година, и на „Службен весник на РМ“, бр. 90/20 од 4.4.2020 година во кој е објавена Уредба со законска сила за примена на Законот за работните односи за време на вонредна состојба.

Сите вработени во јавниот сектор и работниците од приватниот сектор ги охрабрувам да ги пријавуваат сите притисоци и непочитување на правата од работен однос од страна на нивните работодавци. Ја имате мојата поддршка.

Заедно ќе се избориме и ќе ја надминеме оваа состојба. Законите и правото мора да се почитуваат и одговорност ќе има“.

Доколку преземете содржина од оваа страница, во целост сте се согласиле со нејзините Услови за користење.