Стефановиќ: Македонија, БиХ и Хрватска да кажат што лошо им направивме

784

По повод изјавата на косовскиот вицепремиер Енвер Хоџа дека се разговарало со властите во Хрватска, Македонија и Црна Гора за воспоставување пакт против Србија, српскиот вицепремиер Небојша Стефановиќ вели дека е неопходно да се види со каков став ќе излезат посочените земји.

„Сакаме да ги чуеме лошите работи кои Србија и српскиот народ им ги направиле за да создаваат пакт против Србија и српскиот народ”, рече Стефановиќ за РТС.

Тој додаде дека ова би бил непријателски чин против Србија и нејзините граѓани и повик за дополнителна нестабилност во регионот.

– Тие признаваат дека Србија е посилна, дека Србија не е лесен плен и дека ние не сме земја која само ќе се наведнува и ќе дозволува се што е против интересите на нашата земја“, истакна Стефановиќ.

„Сакаме да слушнеме што Србија и српската Влада им направила лошо на овие земји за да воспостават пакт против Србија и српскиот народ. Изјавата на Хоџај беше непријателски чин против Србија и нејзините граѓани и повик за дополнителна нестабилност во регионот. Србија не направила ништо лошо за Црна Гора, Македонија или БиХ, освен што им помогнала. Вложивме пари и изградивме училишта во БиХ. Ја нарекувавме Македонија по името кои сами си го одредија, иако нашите пријатели Грци секогаш се лутеа поради тоа“, заклучи српскиот вицепремиер.

Доколку преземете содржина од оваа страница, во целост сте се согласиле со нејзините Услови за користење.