Жителите на општина Сарај не се задоволни од оние кои што изминатите години управува токму со општината, истакна во изјава за медиумите претседателот на ОК ВМРО-ДПМНЕ- Сарај и кандидат за советник за град Скопје Мартин Стојановски.
-Во сите овие изминати години, речиси и ништо да не е направено во општина Сарај. Граѓаните ја памтат општината, онаква каква што била од секогаш, што значи во изминатите години ништо не се работело во Сарај, и токму затоа на овие избори истите ќе изберат промени, бидејќи не повеќе не веруваат во празни ветувања, категоричен е Стојановски.
Тој додаде дека, коалицијата помеѓу ВМРО-ДПМНЕ и Алијанса и Алтернатива убедливо ќе победи во Сарај и во Скопје со Данела Арсовска, пошто ќе следат големи промени на подобро а во корист на сите граѓани.
-Граѓаните на Сарај и Скопје, овој пат ќе изберат промени, гласајќи за кандидатот на Алијансата на Албанците и Алтернатива за Сарај г-динот Ќерим Мамути, како и за Данела Арсовска за Скопје, бидејќи граѓаните повеќе не им веруват на овие лажговци кои буквално во изминатите години не заковаа ниту една шајка, вели Стојановски и додава:
-Лажните ветувања на власта, повеќе нема да поминат ниту кај Македонците, Албанците, Турците, Бошњаците, Србите, Ромите и другите националности, затоа ќе се случат промени во цела држава, бидејќи на граѓаните веќе им е доста од манипулации, додаде Стојановски.
На изборите на 17-ти октомври ВМРО-ДПМНЕ и Алијансата на Албанците-Алтернатива ќе издвојат убедлива победа на цела територија на Македонија.
