Чествувањето на големиот православен празник Богојавление-Водици 2016 во Радовиш започна со света божествена литургија во двата храма Св.„Пророк Илија“ и Св.„Троица“, од каде што после литургијата верниците во „Литија“ се упатија кон базенот Шампион.
На базенот Шампион се изврши големиот водосвет, по кој ќе следуваше фрлањето на крстот. Најсреќен оваа година кој успеа да го фати чесниот крст беше Стојанче Вучковски кој од пријавени кандидати беше најбрз и најсреќен.
Вучковски од овогодишниот кум Наум Петрушевски доби подарок, а од страна на Градоначалникот на општина Радовиш Сашко Николов парична награда од 20.000 денари. Исто така подароци му додели и Православната црква од Радовиш.
Кумството од овогодишната манифестација од страна на Наум Петрушевски беше предадено на Крсте Ѓеоргиев кој ќе биде кум за наредната година.
