Столтенберг: Пандемијата се користи за да се ослабне НАТО

21

Генералниот секретар на НАТО, Јенс Столтенберг, на настан организиран од Центарот за анализа на европска политика, предупреди дека пандемијата на Ковид-19 се користи во обид да се ослаби Алијансата.

-НАТО е и ќе остане регионален сојуз, но ние ќе ја прошириме нашата работа со разни организации ширум светот во борбата против дезинформациите, тероризмот, епидемиите и заканите од вселената. Сојузот е силен, со висока подготвеност за акција, со големи инвестиции во одбраната. Предпандемиските воени закани не -исчезнаа – порача Столтенберг.

Тој побара НАТО да може да испраќа силни пораки и истакна дека пактот неодамна остро го осуди труењето на Алексеј Навални и ја повика Москва да го испита нападот, кој не е насочен само кон една личност, туку и кон основните права.

-Потребна е силна меѓународна реакција за овој случај – додаде генералниот секретар.

Столтенберг ја истакна растечката моќ на Кина бидејќи земјата станала лидер во технолошкиот развој и се најде на второто место во светот според воените трошоци.

Тој порача дека Пекинг не се двоумел да ги искористи овие предности за да изврши притисок врз други земји.

Доколку преземете содржина од оваа страница, во целост сте се согласиле со нејзините Услови за користење.