Стотици Италијанци илегално користеле социјална помош

Италијанската полиција соопшти дека на дело фатила 237 лица кои го мамеле системот за социјална заштита, меѓу кои имало и еден човек кој поседувал луксузна вила и Ферари.

Даночната полиција ја спровела акцијата во Калабриа, регион во јужниот дел на земјата со многу сиромашни жители и седиште на злогласната мафија Ндрангета.

Меѓу лицата кои илегално го користеле граѓанскиот доход воведен минатата година како мерка за борба против сиромаштијата, имало неколку лица кои биле сопственици на вили и луксузни возила, а претходно веќе биле опфатени со операции против мафијата.

Доколку преземете содржина од оваа страница, во целост сте се согласиле со нејзините Услови за користење.