Норвешкиот совет за бегалци оцени во понеделникот дека поради неподносливите зимски услови во кои во моментов живеат Украинците, очекува нивен нов бран од стотици илјади бегалци во Европа, главо во земјите членки на Европската унија.
Милиони луѓе во Украина останаа без греење, вода за пиење и струја во моменти кога температурите драстично паѓаат, а се резултат на серијата ракетни напади на Русија врз украинската енергетска инфраструктура.
Јан Егеланд, претседател на Норвешкиот совет за бегалци, изјави дека „никој не знае колку ќе дојдат, но ќе бидат стотици илјади“.
„Ова ужасно и нелегално бомбардирање на цивилната инфраструктура го оневозможува животот на премногу места во Украина“, рече Егеленд додавајќи дека е загрижен оти кризата во Европа „ќе ги продлабочи и ќе ги засени кризите што се случуваат на други места низ светот“.
Обенитетите нации соопштија дека околу 18 милиони луѓе, или 40 отсто од населението на Украина, зависат од странска помош. Од почетокот на војната, на 24-ти февруари, досега земјата ја напуштиле 7,8 милиони Украинци, пребегнувајќи во други европски земји, според процените на меѓународните организации.
