Струмичани ќе полагаат возачки испит кај близок пријател на Заев?!

Близок пријател на премиерот Зоран Заев ќе го има ексклузивното прво да спроведува возачки испити во Струмица. Фирмата на струмичанецот Стојан Иванов, лиценцата ја доби од МВР, по распишаниот конкурс на 25 јуни, каде Иванов конкурирал со новоформираната фирма „Испитен Центар Струмица“, која ја отворил на неполни два месеца пред Министерството за внатрешни работи да го распише конкурсот за доделување лиценци за спроведување возачки испити во Струмица и Скопје, пренeсува телевизијата Алфа

Според документите до кои дојде телевизијата, Иванов фирмата ја отворил на 17-ти април, а Министерството за внатрешни работи конкурсот за доделување лиценци за возачки испитен центар го распиша на 25-ти јуни, кога освен за Скопје, доделува лиценца и за Струмица.

Фирмата на Иванов која ја основал со минимален паричен влог од 5000 евра, сега ќе го има единственото право за полагање возачки испити во Струмица. Иванов со премиерот Заев се другари од средно училиште, во бизнисот со возачки испити тој е нов, бидејќи претходно се занимаваше со приватно обезбедување,а во градот е познат како долгогодишен угостител, човек од еснафот.

Испитен центар Струмица фирмата стара четири месеци, во наредните 5 години ќе го има единственото право за полагање возачки испити во градот, со чист профит од неколку стотина илјади евра.

Пред две седмици, лиценца за спроведување на возачки испити доби и новоформирана фирма во Скопје, стара само седум дена пред да биде распишан конкурсот на МВР. Така, 26-годишниот Виктор Серафимов сопственик на „Авто-испитен центар“ Скопје, во наредните пет години ќе држи монопол во главниот град со издавање возачки дозволи и ќе има обрт од околу шест милиони евра.

Доколку преземете содржина од оваа страница, во целост сте се согласиле со нејзините Услови за користење.