Студентите излегоа на протести против Мадуро

Стотици студенти протестираа во Каракас, барајќи крај на владеењето на венецуелскиот социјалистички претседател Николас Мадуро.

Студентите планираа да стигнат до најголемата воена база во главниот град, но не успеаја бидејќи Националната гарда на Венецуела постави блокада.

Лидерот на опозицијата Хуан Гуаидо, кој се прогласи за претседател на Венецуела во јануари, повика на континуирани демонстрации против Мадуро, но опозицијата не успеа да привлече голем број граѓани.

Студентите кои протестираат ја повикуваат војската да ја откаже својата послушност кон Мадуро и да се приклучи на нивната борба да стави крај на политичката и економската криза во земјата.

Протестна прошетка заврши мирно додека студентските водачи доставија петиција до воените команданти.

Доколку преземете содржина од оваа страница, во целост сте се согласиле со нејзините Услови за користење.