„Република“ неофицијално ги дознава имињата на директорите во поголем дел од државите институции и агенции.Најзвучно име е досегашниот министер за транспорт и врски Горан Сугарески кој треба да биде прв човек на царината.
Останатите директори се кадри на ДУИ на кого му припадна поголемиот дел од коалицискиот колач.
Па така директор на АЕК треба да биде сегашниот прв човек на Железници Фестим Халил, на МЕПСО е предвиден Бесим Кока, на ЦУК – Бардул Насуфи. Државен инспекторат за труд – оди кај Хади Фетиши, Управа за водење на матичните книги кај Амир Шабани, Агенција за млади и спорт – Авни Рустеми кој е претседател на младината на ДУИ, а Центар за образование на возрасни ќе го раководи Нагип Назмиу, објави „Република“.
