Суперхикс со ново видео и сингл „Модерна љубов“ се враќаат назад кон корените

Видеото и песната „Модерна љубов“ се снимени во студиото „Тра ла ла“ на Мите Димовски од Скопје и за прв пат како редовен и нов член на бендот учествува и Стефан Алексовски на клавијатури.

28

Суперхикс на 3-ти март 2019 година во МКЦ, Скопје, на свој начин ќе прослават 25 години од својот прв настап во некогашниот Доорс во Дебар Маало, Скопје. Банда инструментале на истиот ден, 03-ти март, во 1994 година за прв пат го размрдаа Скопје.

Тие во целото свое постоење се поклонуваат на специфичниот ритам и музика кои го исполнуваат секој кој ќе ги слушне „Раде“, „Африка“, „Глупави песни“, и многуте други. Својот раст и својот развој, задржувајќи го тоа што секогаш ги прави тоа што се, Суперхикс го негуваат и во „Модерна љубов“, сингл чие видео денес излезе во јавност.

Видеото и песната „Модерна љубов“ се снимени во студиото „Тра ла ла“ на Мите Димовски од Скопје и за прв пат како редовен и нов член на бендот учествува и Стефан Алексовски на клавијатури.

Суперхикс се враќаат верни на својот стил и посветени на музиката пред својата 25 годишнина.

Картите за настапот во МКЦ се на работ на распродавање и за тие кои што сакаат да го почусвтуваат тоа што само Суперхикс може да го понуди немаат уште многу време.

Доколку преземете содржина од оваа страница, во целост сте се согласиле со нејзините Услови за користење.