Светските цени на храната во октомври достигнаа нов десетгодишен пик

Светските цени на храната пораснаа во октомври веќе трет месец и достигнаа нов врв во десет години, повторно предводени од цените на житарките и растителните масла, објави во четвртокот агенцијата за храна на Обединетите нации.

Индексот на цените на Организацијата за храна и земјоделство (FAO), којашто ги следи меѓународните прехранбени производи со коишто најмногу тргува во светот, просечно изнесувал 133,2 поени во октомври во споредба со ревидираните 129,2 поен во септември. Претходниот показател за септември беше проценет на 130,0 поени.

Октомвриското осчитување било највисокото за индексот од јули 2011 година. На годишно ниво, индексот во октомври пораснал за 31,3 отсто.

Цените на земјоделските производи драстично пораснаа минатата 2020 година, поттикнати од доцнењето на жетвите и големата побарувачка.

Доколку преземете содржина од оваа страница, во целост сте се согласиле со нејзините Услови за користење.