Речиси 337 милиони човечки животи се изгубени во првите две години од пандемијата на коронавирусната болест ковид-19, која предизвикала прерана смрт на милиони заболени, објави во петокот Светската здравствена организација (СЗО – WHO).
Во своето претходно соопштение СЗО укажа на разорните последици на споменатата јавноздравствена криза предизвикана од ковид-19, наведувајќи ја бројката од 336,8 милиони смртни случаи во текот на 2020 и 2021 година.
Иако пандемијата службено усмртила речиси 7 милиони луѓе, се верува дека поточната бројка е близу 20 милиони. СЗО во својот извештај наведува дека не само коронавирусот и здравствената криза којашто ја предизвика ги скратила животите на милиони луѓе.
И додека официјално се регистрирани 5,4 милиони починати од ковид-19 во 2020 и 2021 година, податоците за предвремената смртност зборуваат дека во тој период починале поради тоа 14,9 милиони луѓе.
„Тоа е како да губите 22 години од животот на секоја прерана смрт“, вели Самира Асма од одделот за аналитика и базата на податоци на СЗО.
Бројот на загубените животи (YLL) е разликата меѓу животната возраст на поединецот и очекуваниот животен век.
Најновите официјални податоци на СЗО на ковид-19 ѝ припишуваат смрт на 6,9 милиони луѓе, но се вели дека многу земји не испратиле веродостојни податоци, а во СЗО се склони на процената дека од оваа болест, чиј патоген е коронавирусот SARS-CoV-2, починале најмалку 20 милиони луѓе.
Дури 44,9 отсто од предвремените смртни случаи биле кај лица на возраст меѓу 55 и 75 години, 30,2 отсто кај лица помлади од 55 годни и 25 отсто кај повозрасни од 75 години. Притоа YLL бил за 44 отсто повисок кај мажите отколку кај жените.
