Ќе бидат потребни повеќе од 30 милијарди американски долари за тестови, вакцини и третман на лица со коронавирус, соопшти Светската здравствена организација (СЗО) вчера во пресрет наденешната донаторска конференција, јави АФП.
На крајот на април, Светската здравствена организација и нејзините партнери покренаа меѓународна иницијатива наречена „ACT Accelerator“ за забрзување на развојот и производството и обезбедување на еднаков пристап до вакцините и терапиите против коронавирусот.
„На иницијативата ќе ѝ бидат потребни 31,3 милијарди американски долари во текот на следните 12 месеци“, соопшти СЗО, додавајќи дека досега биле ветени само 3,4 милијарди долари.
Според најновите податоци на агенцијата АФП, најмалку 487.274 лица починале од коронавирус во светот, додека повеќе од 9.604.040 луѓе се заразени.
