СЗО: Бројот на заразени со Ковид-19 во светот зголемен за два милиони за една недела

Бројот на луѓе кои се заразиле со коронавирус ширум светот се зголеми за скоро два милиони во неделата од 14-20 септември, додека бројот на смртни случаи порасна за 37.700 во истиот период, соопшти Светската здравствена организација (СЗО) во понеделникот вечерта.

Според неделниот информативен билтен на организацијата, вкупниот број на официјално потврдени случаи надмина 30,6 милиони, што е за 6% повеќе од претходната недела.

Во изминатите седум дена, глобалната организација беше известена за скоро 2 милиони случаи и 37.700 смртни случаи. Од 20 септември, организацијата има официјални информации за 950 000 смртни случаи поврзани со коронавирус регистрирани ширум светот.

Најсериозната епидемиолошка состојба останува во Северна и Јужна Америка, каде што бројот на случаи се зголеми за 38% во споредба со претходната недела. Во исто време, смртноста се намали за 22%. Скоро 770 000 нови случаи се регистрирани во регионот помеѓу 14 и 20 септември, со што вкупниот број на случаи е 15,5 милиони. Регистрирани се повеќе од 19.000 смртни случаи во пријавениот период, при што вкупниот број на жртви достигна скоро 530.000.

Речиси 700.000 случаи се пријавени во земјите од југоисточна Азија, со што вкупна бројка на случаи е близу 6,1 милиони. Бројот на починати надминува 101.000 луѓе, што е за 9.300 повеќе во неделата од 14-20 септември.

Европа забележа најголем пораст на жртвите во истиот период. Повеќе од 4.000 луѓе починаа во регионот помеѓу 14 и 20 септември, а вкупниот број на жртви се приближи на 230.000. Бројот на потврдени случаи во Европа речиси достигна 5,2 милиони, што се зголеми за околу 360.000 во изминатите седум дена.

Бројот на случаи се зголеми за над 646.000 во Индија, за повеќе од 273.000 во САД и за повеќе од 213.000 во Бразил. Франција забележа најголем раст во Европа, со скоро 67.000 ново потврдени случаи за една недела, следена е Шпанија (над 50.000) и Русија (над 40.000).

Во изминатите седум дена, Индија објави над 8.000 жртви, САД – над 5.600 и Бразил – над 5.300 жртви.

Доколку преземете содржина од оваа страница, во целост сте се согласиле со нејзините Услови за користење.