СЗО го идентификувал нултиот пациент заразен со коронавирусот

(AP Photo/Dake Kang)

Прелиминарниот извештај на Светската здравствена организација (СЗО – WHO) за потеклото на коронавирусот ќе препорача пообемна потреага по контактите на првиот познат пациент заболен од Covud-19 во кинескиот град Вухан, како и синџирот на снабдување на речиси десет трговци на пазарот за морска храна „Хуанан“, за кои се смета дека имаат улога во раното ширење на коронавирусот кон крајот на 2019 година.

Како што изјавија за американската телевзиска мрежа CNN истражителите запознаети со предлог-извештајот, на кинеските научници им биле потребни многу месеци за да ги извршат почетните истражувања за потеклото на вирусот. Тие сметаат дека е изненадувачки и неверојатно тоа што кинеските научници не ја завршиле веќе таа работа.

Препораките на комисијата ќе се осврнат, меѓу другото, на две клучни линии на истрага, велат истражителите, запознаени со прелиминарниот извештај.

Прво ќе побараат натамошна работа околу историјата на контакти на пациентот од Вухан, кој се разболел на 8-ми декември 2019 година, што е прв случајот кого кинеските научници и експертскиот тим на СЗО го навеле како пациент заболен со  Covid-19.

Идентитетот на пациентот не е јавно откриен, но според истражителите на СЗО, станува збор за канцелариски работник на 40-годишна возраст, кој не патувал на егзотични дестинации или имал историја на контакти, а живеел со сопругата и детето.

Во прелиминарниот извештај што ќе биде презентиран следната недела, СЗО исто така ќе препорача непосредна истрага за синџирот на снабдување со морска храна во Хуанан, велат истражувачите запознаени со предлог-документот.

Шефот на мисијата на СЗО, Питер Бен Ембарек, одбил да ги коментира деталите за кое било натамошно пребарување или тестирање на контактите кои се потребни.

Тој за CNN изјави дека се потребни дополнителни истражувања.

Други научници изразија изненадување, па дури и неверување дека Кина очевидно не извршила натамошни истраги, како за историјата на контакти на првиот пациент, така и за синџирот на снабдување на пазарот „Хуанан“, кои биле побарани од СЗО.

Доколку преземете содржина од оваа страница, во целост сте се согласиле со нејзините Услови за користење.